പീലിയോടൊത്ത കാർകൂന്തലും കെട്ടി

പീലിയോടൊത്ത കാർകൂന്തലും കെട്ടി

ഫാലദേശേ തിലകമതും തൊട്ടു

ബാലചന്ദ്രസമാനമുഖപ്രഭ – കാണാകേണം

ആരണിമലർ പാലയ്ക്കമോതിരം

ബാലകർക്കിണങ്ങുന്ന പുലിനഖം

ചേലോടായവ ചാർത്തീട്ടു കാണണം – ഭഗവാനേ

നീലക്കാർമുകിൽവർണ്ണ ! ജനാർദ്ദന

ബാലഗോവിന്ദ ! വാസുദേവ ! കൃഷ്ണ

മാലകറ്റണേ മാധവ ! ഗോവിന്ദ – വാസുദേവ

കയ്യിൽ നല്ല മുരളി ചെറുകോലും

മെയ്യഴകാർന്ന പീതാംബരപ്പട്ടും

കെട്ടി നന്നായുടുത്തുടൻ കാണണം – വാസുദേവ

ഭക്തനായ കുചേലന്നു വേണ്ടവ-

യൊക്കെയും ഭവാനല്ലോ കൊടുത്തതും

മുക്തി നൽകണേ മാധവ ഗോവിന്ദ! – വാസുദേവ