മഹിഷാസുരമർദ്ദിനീ സ്തോത്രം

അയി ഗിരിനന്ദിനി നന്ദിതമേദിനി വിശ്വവിനോദിനി നന്ദനുതേ

ഗിരിവര വിന്ധ്യശിരോധിനിവാസിനി വിഷ്ണുവിലാസിനി ജിഷ്ണുനുതേ |

ഭഗവതി ഹേ ശിതികണ്ഠകുടുംബിനി ഭൂരികുടുംബിനി ഭൂരികൃതേ

ജയ ജയ ഹേ മഹിഷാസുരമർദ്ദിനി രമ്യകപർദ്ദിനി ശൈലസുതേ || 1 ||

സുരവരവർഷിണി ദുർദ്ധരധർഷിണി ദുർമുഖമർഷിണി ഹർഷരതേ

ത്രിഭുവനപോഷിണി ശങ്കരതോഷിണി കല്മഷമോഷിണി ഘോഷരതേ |

ദനുജനിരോഷിണി ദിതിസുതരോഷിണി ദുർമദശോഷിണി സിന്ധുസുതേ

ജയ ജയ ഹേ മഹിഷാസുരമർദ്ദിനി രമ്യകപർദ്ദിനി ശൈലസുതേ || 2 ||

അയി ജഗദംബ മദംബ കദംബവനപ്രിയവാസിനി ഹാസരതേ

ശിഖരിശിരോമണി തുംഗഹിമാലയശൃംഗനിജാലയ മദ്ധ്യഗതേ |

മധുമധുരേ മധുകൈടഭഗഞ്ജിനി കൈടഭഭഞ്ജിനി രാസരതേ

ജയ ജയ ഹേ മഹിഷാസുരമർദ്ദിനി രമ്യകപർദ്ദിനി ശൈലസുതേ || 3 ||

അയി ശതഖണ്ഡ വിഖണ്ഡിത രുണ്ഡ വിതുണ്ഡിത ശുണ്ഡ ഗജാധിപതേ

രിപുഗജ ഗണ്ഡവിദാരണചണ്ഡ പരാക്രമശൗണ്ഡ മൃഗാധിപതേ |

നിജഭുജദണ്ഡ നിപാതിതചണ്ഡ നിപാതിതമുണ്ഡ ഭടാധിപതേ

ജയ ജയ ഹേ മഹിഷാസുരമർദ്ദിനി രമ്യകപർദ്ദിനി ശൈലസുതേ || 4 ||

അയി രണദുർമദ ശത്രുവധോദിത ദുർധരനിർജര ശക്തിഭൃതേ

ചതുരവിചാര ധുരീണമഹാശയ ദൂതകൃത പ്രമഥാധിപതേ |

ദുരിതദുരീഹ ദുരാശയദുർമതി ദാനവദൂതകൃതാന്തമതേ

ജയ ജയ ഹേ മഹിഷാസുരമർദ്ദിനി രമ്യകപർദ്ദിനി ശൈലസുതേ || 5 ||

അയി നിജ ഹുംകൃതിമാത്ര നിരാകൃത ധൂമ്രവിലോചന ധൂമ്രശതേ

സമരവിശോഷിതശോണിതബീജസമുദ്ഭവശോണിതബീജലതേ |

ശിവ ശിവ ശുംഭനിശുംഭമഹാഹവതർപിത ഭൂതപിശാചപതേ

ജയ ജയ ഹേ മഹിഷാസുരമർദ്ദിനി രമ്യകപർദ്ദിനി ശൈലസുതേ || 6 ||

ധനുരനുസംഗരണക്ഷണ സംഗപരിസ്ഫുരദംഗ നടത്കടകേ

കനകപിശംഗപൃഷത്കനിഷംഗരസദ്ഭടശൃംഗഹതാവടുകേ |

കൃതചതുരംഗബലക്ഷിതി രംഗഘടദ്ബഹുരംഗരടദ്ബടുകേ

ജയ ജയ ഹേ മഹിഷാസുരമർദ്ദിനി രമ്യകപർദ്ദിനി ശൈലസുതേ || 7 ||

അയി ശരണാഗത വൈരിവധൂവര വീരവരാഭയദായികരേ

ത്രിഭുവനമസ്തകശൂലവിരോധി ശിരോധികൃതാ‌മലശൂലകരേ |

ദുമിദുമിതാമരദുന്ദുഭിനാദമഹോമുഖരീകൃതദിങ്നികരേ

ജയ ജയ ഹേ മഹിഷാസുരമർദ്ദിനി രമ്യകപർദ്ദിനി ശൈലസുതേ || 8 ||

സുരലലനാ തതഥേയി തഥേയി കൃതാഭിനയോദരനൃത്യരതേ

കൃതകുകുഥഃ കുകുഥോ ഗഡദാദികതാല കുതൂഹല ഗാനരതേ

ധുധുകുട ധുക്കുട ധിംധിമിതധ്വനി ധീരമൃദംഗനിനാദരതേ

ജയ ജയ ഹേ മഹിഷാസുരമർദ്ദിനി രമ്യകപർദ്ദിനി ശൈലസുതേ || 9 ||

ജയ ജയ ജപ്യജയേ ജയശബ്ദ പരസ്തുതി തത്പരവിശ്വനുതേ

ഝണ ഝണ ഝിഞ്ഝിമി ഝിംകൃതനൂപുര ശിഞ്ജിതമോഹിത ഭൂതപതേ |

നടിത നടാർദ്ധനടീനടനായക നാടകനാടിത നാട്യരതേ

ജയ ജയ ഹേ മഹിഷാസുരമർദ്ദിനി രമ്യകപർദ്ദിനി ശൈലസുതേ || 10 ||

അയി സുമനഃ സുമനഃ സുമനഃ സുമനഃ സുമനോഹര കാന്തിയുതേ

ശ്രിതരജനീ രജനീ രജനീ രജനീ രജനീകരവക്ത്രവയുതേ |

സുനയന വിഭ്രമ രഭ്രമര ഭ്രമര ഭ്രമരഭ്രമരാധിപതേ

ജയ ജയ ഹേ മഹിഷാസുരമർദ്ദിനി രമ്യകപർദ്ദിനി ശൈലസുതേ || 11 ||

മഹിതമഹാഹവ മല്ലമതല്ലിക മല്ലിതരല്ലകമല്ലരതേ

വിരചിതവല്ലികപല്ലികമല്ലികഝില്ലികഭില്ലികവർഗ്ഗവൃതേ |

സിതകൃതഫുല്ലസമുല്ലസിതാ‌രുണതല്ലജപല്ലവസല്ലളിതേ

ജയ ജയ ഹേ മഹിഷാസുരമർദ്ദിനി രമ്യകപർദ്ദിനി ശൈലസുതേ || 12 ||

അവിരള ഗണ്ഡഗളന്മദമേദുര മത്തമതംഗജരാജപതേ

ത്രിഭുവനഭൂഷണഭൂതകലാനിധിരൂപപയോനിധിരാജസുതേ |

അയി സുദതീജനലാലസമാനസമോഹനമന്മഥരാജസുതേ

ജയ ജയ ഹേ മഹിഷാസുരമർദ്ദിനി രമ്യകപർദ്ദിനി ശൈലസുതേ || 13 ||

കമലദളാമല കോമളകാന്തികലാകലിതാ‌മലഭാലതലേ

സകലവിലാസകലാനിലയക്രമകേളികലത്കളഹംസകുലേ |

അളികുലസംകുല കുന്തളമണ്ഡലമൗലിമിളദ്ബകുളാളികുലേ

ജയ ജയ ഹേ മഹിഷാസുരമർദ്ദിനി രമ്യകപർദ്ദിനി ശൈലസുതേ || 14 ||

കരമുരളീരവവീജിതകൂജിതലജ്ജിതകോകിലമഞ്ജുരുതേ

മിളിതമിളിന്ദമനോഹരഗുഞ്ജിതരഞ്ജിതശൈലനികുഞ്ജഗതേ |

നിജഗണഭൂതമഹാശബരീഗണ സദ്ഗുണസംഭൃതകേളിതതേ

ജയ ജയ ഹേ മഹിഷാസുരമർദ്ദിനി രമ്യകപർദ്ദിനി ശൈലസുതേ || 15 ||

കടിതടപീതദുകൂലവിചിത്രമയൂഖതിരസ്കൃതചന്ദ്രരുചേ

പ്രണതസുരാസുരമൗലിമണിസ്ഫുരദംശുലസന്നഖസാന്ദ്രരുചേ |

ജിതകനകാചലമൗലിപദോജ്ഝിതനിർഭരകുഞ്ജരതുംഗകുചേ

ജയ ജയ ഹേ മഹിഷാസുരമർദ്ദിനി രമ്യകപർദ്ദിനി ശൈലസുതേ || 16 ||

വിജിതസഹസ്രകരൈക സഹസ്രകരൈക സഹസ്രകരൈകനുതേ

കൃതസുരതാരകസംഗരതാരക സംഗരതാരക സൂനുസുതേ |

സുരഥസമാധി സമാന സമാധി സമാധി സമാധി സുജാതരതേ

ജയ ജയ ഹേ മഹിഷാസുരമർദ്ദിനി രമ്യകപർദ്ദിനി ശൈലസുതേ || 17 ||

പദകമലം കരുണാനിലയേ വരിവസ്യതി യേ‌നുദിനം ന ശിവേ

അയി കമലേ കമലാനിലയേ കമലാനിലയഃ സ കഥം ന ഭവേത് |

തവ പദമേവ പരംപദമിത്യനു ശീലയതോ മമ കിം ന ശിവേ

ജയ ജയ ഹേ മഹിഷാസുരമർദ്ദിനി രമ്യകപർദ്ദിനി ശൈലസുതേ || 18 ||

കനകലസത്കലസിന്ധു ജലൈരനു ഷിഞ്ജതി തേ ഗുണരംഗഭുവം

ഭജതി സ കിം ന ശചീകുചകുംഭ തടീപരിരംഭസുഖാനുഭവം|

തവ ചരണം ശരണം കരവാണി ന താമരവാണി നിവാസി ശിവം

ജയ ജയ ഹേ മഹിഷാസുരമർദ്ദിനി രമ്യകപർദ്ദിനി ശൈലസുതേ || 19 ||

തവ വിമലേ‌ന്ദുകലം വദനേന്ദുമലം സകലം നനു കൂലയതേ

കിമു പുരുഹൂതപുരീന്ദുമുഖീ സുമുഖീഭിരസൗ വിമുഖീക്രിയതേ |

മമ തു മതം ശിവനാമധനേ ഭവതീകൃപയാ കിമുത ക്രിയതേ

ജയ ജയ ഹേ മഹിഷാസുരമർദ്ദിനി രമ്യകപർദ്ദിനി ശൈലസുതേ || 20 ||

അയി മയി ദീനദയാലുതയാ കരുണാപരയാ ഭവിതവ്യമുമേ

അയി ജഗതോ ജനനീ കൃപയാസി യഥാസി തഥാനുമിതാസി രമേ |

യദുചിതമത്ര ഭവത്യുരരീ കുരുതാ ദുരുതാപമപാകുരുതേ

ജയ ജയ ഹേ മഹിഷാസുരമർദ്ദിനി രമ്യകപർദ്ദിനി ശൈലസുതേ || 21 ||

ayi girinandini nanditamēdini viśvavinēādini nandanutē
girivara vindhyaśirēādhinivāsini viṣṇuvilāsini jiṣṇunutē |
bhagavati hē śitikaṇṭhakuṭumbini bhūrikuṭumbini bhūrikr̥tē
jaya jaya hē mahiṣāsuramarddini ramyakaparddini śailasutē || 1 ||

suravaravarṣiṇi durd'dharadharṣiṇi durmukhamarṣiṇi harṣaratē
tribhuvanapēāṣiṇi śaṅkaratēāṣiṇi kalmaṣamēāṣiṇi ghēāṣaratē |
danujanirēāṣiṇi ditisutarēāṣiṇi durmadaśēāṣiṇi sindhusutē
jaya jaya hē mahiṣāsuramarddini ramyakaparddini śailasutē || 2 ||

ayi jagadamba madamba kadambavanapriyavāsini hāsaratē
śikhariśirēāmaṇi tuṅgahimālayaśr̥ṅganijālaya mad'dhyagatē |
madhumadhurē madhukaiṭabhagañjini kaiṭabhabhañjini rāsaratē
jaya jaya hē mahiṣāsuramarddini ramyakaparddini śailasutē || 3 ||

ayi śatakhaṇḍa vikhaṇḍita ruṇḍa vituṇḍita śuṇḍa gajādhipatē
ripugaja gaṇḍavidāraṇacaṇḍa parākramaśaṇḍa mr̥gādhipatē |
nijabhujadaṇḍa nipātitacaṇḍa nipātitamuṇḍa bhaṭādhipatē
jaya jaya hē mahiṣāsuramarddini ramyakaparddini śailasutē || 4 ||

ayi raṇadurmada śatruvadhēādita durdharanirjara śaktibhr̥tē
caturavicāra dhurīṇamahāśaya dūtakr̥ta pramathādhipatē |
duritadurīha durāśayadurmati dānavadūtakr̥tāntamatē
jaya jaya hē mahiṣāsuramarddini ramyakaparddini śailasutē || 5 ||

ayi nija huṅkr̥timātra nirākr̥ta dhūmravilēācana dhūmraśatē
samaraviśēāṣitaśēāṇitabījasamudbhavaśēāṇitabījalatē |
śiva śiva śumbhaniśumbhamahāhavatarpita bhūtapiśācapatē
jaya jaya hē mahiṣāsuramarddini ramyakaparddini śailasutē || 6 ||

dhanuranusaṅgaraṇakṣaṇa saṅgaparisphuradaṅga naṭatkaṭakē
kanakapiśaṅgapr̥ṣatkaniṣaṅgarasadbhaṭaśr̥ṅgahatāvaṭukē |
kr̥tacaturaṅgabalakṣiti raṅgaghaṭadbahuraṅgaraṭadbaṭukē
jaya jaya hē mahiṣāsuramarddini ramyakaparddini śailasutē || 7 ||

ayi śaraṇāgata vairivadhūvara vīravarābhayadāyikarē
tribhuvanamastakaśūlavirēādhi śirēādhikr̥tāmalaśūlakarē |
dumidumitāmaradundubhinādamahēāmukharīkr̥tadiṅnikarē
jaya jaya hē mahiṣāsuramarddini ramyakaparddini śailasutē || 8 ||

suralalanā tatathēyi tathēyi kr̥tābhinayēādaranr̥tyaratē
kr̥takukuthaḥ kukuthēā gaḍadādikatāla kutūhala gānaratē
dhudhukuṭa dhukkuṭa dhindhimitadhvani dhīramr̥daṅganinādaratē
jaya jaya hē mahiṣāsuramarddini ramyakaparddini śailasutē || 9 ||

jaya jaya japyajayē jayaśabda parastuti tatparaviśvanutē
jhaṇa jhaṇa jhiñjhimi jhiṅkr̥tanūpura śiñjitamēāhita bhūtapatē |
naṭita naṭārd'dhanaṭīnaṭanāyaka nāṭakanāṭita nāṭyaratē
jaya jaya hē mahiṣāsuramarddini ramyakaparddini śailasutē || 10 ||

ayi sumanaḥ sumanaḥ sumanaḥ sumanaḥ sumanēāhara kāntiyutē
śritarajanī rajanī rajanī rajanī rajanīkaravaktravayutē |
sunayana vibhrama rabhramara bhramara bhramarabhramarādhipatē
jaya jaya hē mahiṣāsuramarddini ramyakaparddini śailasutē || 11 ||

mahitamahāhava mallamatallika mallitarallakamallaratē
viracitavallikapallikamallikajhillikabhillikavarggavr̥tē |
sitakr̥taphullasamullasitāruṇatallajapallavasallaḷitē
jaya jaya hē mahiṣāsuramarddini ramyakaparddini śailasutē || 12 ||

aviraḷa gaṇḍagaḷanmadamēdura mattamataṅgajarājapatē
tribhuvanabhūṣaṇabhūtakalānidhirūpapayēānidhirājasutē |
ayi sudatījanalālasamānasamēāhanamanmatharājasutē
jaya jaya hē mahiṣāsuramarddini ramyakaparddini śailasutē || 13 ||

kamaladaḷāmala kēāmaḷakāntikalākalitāmalabhālatalē
sakalavilāsakalānilayakramakēḷikalatkaḷahansakulē |
aḷikulasaṅkula kuntaḷamaṇḍalamalimiḷadbakuḷāḷikulē
jaya jaya hē mahiṣāsuramarddini ramyakaparddini śailasutē || 14 ||

karamuraḷīravavījitakūjitalajjitakēākilamañjurutē
miḷitamiḷindamanēāharaguñjitarañjitaśailanikuñjagatē |
nijagaṇabhūtamahāśabarīgaṇa sadguṇasambhr̥takēḷitatē
jaya jaya hē mahiṣāsuramarddini ramyakaparddini śailasutē || 15 ||

kaṭitaṭapītadukūlavicitramayūkhatiraskr̥tacandrarucē
praṇatasurāsuramalimaṇisphuradanśulasannakhasāndrarucē |
jitakanakācalamalipadēājjhitanirbharakuñjaratuṅgakucē
jaya jaya hē mahiṣāsuramarddini ramyakaparddini śailasutē || 16 ||

vijitasahasrakaraika sahasrakaraika sahasrakaraikanutē
kr̥tasuratārakasaṅgaratāraka saṅgaratāraka sūnusutē |
surathasamādhi samāna samādhi samādhi samādhi sujātaratē
jaya jaya hē mahiṣāsuramarddini ramyakaparddini śailasutē || 17 ||

padakamalaṁ karuṇānilayē varivasyati yēnudinaṁ na śivē
ayi kamalē kamalānilayē kamalānilayaḥ sa kathaṁ na bhavēt |
tava padamēva parampadamityanu śīlayatēā mama kiṁ na śivē
jaya jaya hē mahiṣāsuramarddini ramyakaparddini śailasutē || 18 ||

kanakalasatkalasindhu jalairanu ṣiñjati tē guṇaraṅgabhuvaṁ
bhajati sa kiṁ na śacīkucakumbha taṭīparirambhasukhānubhavaṁ|
tava caraṇaṁ śaraṇaṁ karavāṇi na tāmaravāṇi nivāsi śivaṁ
jaya jaya hē mahiṣāsuramarddini ramyakaparddini śailasutē || 19 ||

tava vimalēndukalaṁ vadanēndumalaṁ sakalaṁ nanu kūlayatē
kimu puruhūtapurīndumukhī sumukhībhirasa vimukhīkriyatē |
mama tu mataṁ śivanāmadhanē bhavatīkr̥payā kimuta kriyatē
jaya jaya hē mahiṣāsuramarddini ramyakaparddini śailasutē || 20 ||

ayi mayi dīnadayālutayā karuṇāparayā bhavitavyamumē
ayi jagatēā jananī kr̥payāsi yathāsi tathānumitāsi ramē |
yaducitamatra bhavatyurarī kurutā durutāpamapākurutē
jaya jaya hē mahiṣāsuramarddini ramyakaparddini śailasutē || 21 ||